'ഇന്ത്യയുടെ സ്വന്തം നാര്‍ക്കോസ് താനെ'; ഡബ്ബാ കാര്‍ട്ടല്‍ ടീസര്‍
ഹിതേഷ് ഭാട്ട്യാ സംവിധാനം ചെയ്യുന്ന സീരീസ് ഫെബ്രുവരി 28ന് നെറ്റ്ഫ്‌ലിക്‌സില്‍ സ്ട്രീമിംഗ് ആരംഭിക്കും
നെറ്റ്ഫ്‌ലിക്‌സ് ഇന്ത്യയുടെ പുതിയ ക്രൈം ഡ്രാമയായ ഡബ്ബാ കാര്‍ട്ടലിന്റെ ടീസര്‍ പുറത്ത്. മുംബൈയിലെ താനെയിലെ ഒരു കൂട്ടം സ്ത്രീകള്‍ നടത്തുന്ന ഡബ്ബാ സര്‍വീസിനെ കുറിച്ചാണ് സീരീസ് പറഞ്ഞുവെക്കുന്നത്. ഡബ്ബാ സര്‍വീസിന്റെ പേരില്‍ അവര്‍ മയക്കുമരുന്ന് കടത്തുകയാണ് ചെയ്യുന്നത്.
ഷബാന അസ്മി, നിമിഷ സജയന്‍, ശാലിനി പാണ്ഡേ, അഞ്ജലി ആനന്ദ്, സായ് താമഹാന്‍കര്‍ എന്നിവരാണ് സീരീസില്‍ ഡബ്ബാ സര്‍വീസ് നടത്തുന്നത്. ജ്യോതികയും സീരീസില്‍ കേന്ദ്ര കഥാപാത്രമാണ്. ഫര്‍ഹാന്‍ അക്തര്‍, റിതേഷ് സിദ്ദവാനി എന്നിവരുടെ എക്‌സല്‍ എന്റര്‍ട്ടെയിന്‍മെന്റ് ആണ് സീരീസ് നിര്‍മിച്ചിരിക്കുന്നത്.
ഹിതേഷ് ഭാട്ട്യാ സംവിധാനം ചെയ്യുന്ന സീരീസ് ഫെബ്രുവരി 28ന് നെറ്റ്ഫ്‌ലിക്‌സില്‍ സ്ട്രീമിംഗ് ആരംഭിക്കും. ഷിബാനി അക്തര്‍, വിഷ്ണു മേനോന്‍, ഗൗരവ് കപൂര്‍, അകാന്‍ഷാ സെദാ എന്നിവരാണ് സീരീസിന്റെ ക്രിയേറ്റേഴ്‌സ്.
'ഡബ്ബാ കാര്‍ട്ടല്‍ നെറ്റ്ഫ്‌ലിക്‌സുമായി ഞങ്ങള്‍ ചെയ്യുന്ന ആവേശമേറിയ ഒരു പ്രൊജക്ടാണ്. അഞ്ച് സ്ത്രീകളുടെ ദൈനംദിന ജീവിതമാണ് സീരീസില്‍ പറഞ്ഞുവെക്കുന്നത്', എന്നാണ് എക്‌സല്‍ എന്റര്‍ട്ടെയിന്‍മെന്റ് പറഞ്ഞത്.
Popular
