എറണാകുളത്ത് മദ്യലഹരിയിൽ പിതാവിനെ ചവിട്ടിക്കൊന്ന മകൻ അറസ്റ്റിൽ. ചേലാമറ്റം സ്വദേശി മെൽജോയെയാണ് പെരുമ്പാവൂർ പൊലീസ് അറസ്റ്റ് ചെയ്തത്. മെൽജോയുടെ പിതാവ് ജോണിയെ ഇന്നലെയാണ് മരിച്ച നിലയിൽ കണ്ടെത്തിയത്.

Also Read: വർക്കലയിൽ സഹോദരിയുടെ ഭർത്താവും സുഹൃത്തുക്കളും ചേർന്ന് മധ്യവയസ്ക്കനെ വെട്ടിക്കൊന്നു

ടിബി രോ​ഗബാധിതനായിരുന്നു ജോണി. ബുധനാഴ്ച രാത്രി ഒൻപതരയോടെയാണ് പിതാവിന് അനക്കമില്ലെന്ന് പറഞ്ഞ് മെൽജൊ സഹോദരിയുടെ വീട്ടിലെത്തിയത്. സഹോദരി വീട്ടിലേക്കെത്തുകയും ജോണിയെ ആശുപത്രിയിൽ എത്തിക്കുകയുമായിരുന്നു. പെരുമ്പാവൂർ താലൂക്ക് ആശുപത്രിയിൽ എത്തിച്ചെങ്കിലും ജോണിയുടെ മരണം നെരത്തെ സംഭവിച്ചിരുന്നു. ഇതിനെ തുടർന്നാണ് പൊസ്റ്റ്‌മോർട്ടം നടത്തിയത്.

Also Read: കായംകുളത്ത് ഗതാഗതം തടസപ്പെടുത്തി ഗുണ്ടയുടെ പിറന്നാളാഘോഷം; കുപ്രസിദ്ധനായ വിഠോബ ഫൈസലും സംഘവും പിടിയില്‍

ജോണിയുടെ രണ്ട് വാരിയെല്ലുകൾക്കും ഒടിവ് സംഭവിച്ചതായി പോസ്റ്റ്‌മോർട്ടം റിപ്പോർട്ടിലെ കണ്ടെത്തല്‍. സംശയം തോന്നിയ പൊലീസ് മെൽജോയെ കസ്റ്റഡിയിൽ എടുത്തിരുന്നു. പൊലീസ് ചോദ്യം ചെയ്യലിലാണ് മദ്യ ലഹരിയിൽ പിതാവിനെ ചവിട്ടിയതായി മെൽജോ കുറ്റസമ്മതം നടത്തിയത്.