കായംകുളത്ത് പാലത്തിൽ രാത്രിയിൽ ഗതാഗതം തടസപ്പെടുത്തി ഗുണ്ടയുടെ പിറന്നാളാഘോഷം. ആഘോഷത്തിനെത്തിയ ഗുണ്ടകളെ പൊലീസ് കൂട്ടത്തോടെ പിടികൂടി. കുപ്രസിദ്ധ ഗുണ്ട വിഠോബ ഫൈസൽ ആണ് പിറന്നാൾ ആഘോഷം സംഘടിപ്പിച്ചത്. പുതുപ്പള്ളി കൂട്ടം വാതുക്കൽ പാലത്തിലായിരുന്നു പിറന്നാൾ ആഘോഷം.

Also Read: വ്യാജ IPS ഉദ്യോഗസ്ഥൻ ചമഞ്ഞ് പെൺകുട്ടികളെ കബളിപ്പിച്ച് പണം തട്ടി; മലപ്പുറം സ്വദേശി വിപിൻ കാർത്തിക് പിടിയിൽ

യുവാവിനെ കാർ കയറ്റി കൊലപ്പെടുത്തിയ കേസിലെ പ്രതി പുട്ട് അജ്മൽ ഉൾപ്പെടെയുള്ളവരാണ് ആഘോഷത്തിൽ പങ്കെടുത്തത്. ഇയാളെ കൂടാതെ വിവിധ കേസുകളിൽ പ്രതികളായ ഗുണ്ടകളാണ് പൊലീസിന്റെ പിടിയിലായിരിക്കുന്നത്. എരുവ സ്വദേശി ആഷിക് , സഹോദരൻ ആദിൽ, മുനീർ , സഹോദരൻ മുജീബ്, ഗോപൻ, ഉണ്ണിരാജ്, ആദിൽ, പ്രവീൺ, അനന്തകൃഷ്ണൻ എന്നിവരാണ് പിടിയിലായത്. വിവരം അറിഞ്ഞ് സംഭവം സ്ഥലത്തെത്തിയ കായംകുളം ഡിവൈഎസ്പിയുടെ നേതൃത്വത്തിലുള്ള സംഘമാണ് ഇവരെ കസ്റ്റഡിയിലെടുത്തത്. പിറന്നാൾ ആഘോഷത്തിനായി വാഹനങ്ങൾ പാലത്തിൽ നിരത്തിയിടുകയായിരുന്നു. പരസ്യമായി ഇവർ മദ്യപിക്കുകയും ചെയ്തിരുന്നു.