ചൈനീസ് വിദേശകാര്യ മന്ത്രി വാങ് യി ഇന്ത്യ സന്ദർശിക്കും. ആഗസ്റ്റ് 18 മുതൽ 20 വരെയാണ് സന്ദർശനം. അതിർത്തി പ്രശ്‌നം ചർച്ച ചെയ്യും. ദേശീയ സുരക്ഷാ ഉപദേഷ്ടാവ് അജിത് ഡോവലുമായി ആണ് ചർച്ച നടക്കുക.
സംസ്ഥാനത്ത് ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ്. കണ്ണൂർ, കാസർഗോഡ്, തൃശൂർ, എറണാകുളം, ഇടുക്കി, എന്നീ ജില്ലകളിലാണ് ഓറഞ്ച് അലേർട്ട് പ്രഖ്യാപിച്ചിട്ടുള്ളത്. വരും മണിക്കൂറുകളിൽ ശക്തമായ മഴയ്ക്കും കാറ്റിനും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.
കൊല്ലം പുനലൂരിൽ വയോധിക വീട്ടുമുറ്റത്ത് പൊള്ളലേറ്റ് മരിച്ച നിലയിൽ. മുളന്തടം ഗീതാലയത്തിൽ പ്രഭാവതിയമ്മ (63)യാണ് മരിച്ചത്. ഒറ്റയ്ക്ക് താമസിച്ചിരുന്നു പ്രഭാവതിയമ്മയുടെ മൃതദേഹത്തിന് സമീപം ഒഴിഞ്ഞ കന്നാസ് കണ്ടെത്തിയിട്ടുണ്ട്. സ്ഥലത്ത് പൊലീസ് പരിശോധന തുടരുന്നു.
ബിജെപി ഇതര സംസ്ഥാനങ്ങളിൽ ഭരണ പ്രതിസന്ധി ഉണ്ടാക്കാൻ സംഘപരിവാർ ശ്രമിക്കുന്നതായി മന്ത്രി പി.എ. മുഹമ്മദ് റിയാസ്. ഉത്തരവാദിത്തപ്പെട്ട സ്ഥാനത്ത് ഇരിക്കുന്നവരെ ഉപയോഗിച്ചാണ് ഇതെന്നും നാനാത്വത്തിൽ ഏകത്വം തകർക്കുവാനാണ് ശ്രമമെന്നും മന്ത്രി ആരോപിച്ചു.
തോരായിക്കടവ് പാലം നിർമാണ പ്രവർത്തനങ്ങള്‍ക്കിടയില്‍ തകർന്നതില്‍ പരിശോധനാ റിപ്പോർട്ട് കിട്ടിയിട്ടില്ലെന്നും മുഹമ്മദ് റിയാസ്. ടെക്നിക്കൽ വിദഗ്ധരുടെ യോഗം വിളിക്കും. മനുഷ്യ പിഴവ് അനുവദിക്കില്ലെന്നും മന്ത്രി.
ഇന്ത്യ-പാക് യുദ്ധമടക്കം അഞ്ച് യുദ്ധങ്ങൾ അവസാനിപ്പിച്ചെന്ന് യുഎസ് പ്രസിഡന്റ് ഡൊണാൾഡ് ട്രംപ്. ഫോക്സ് ന്യൂസ് അഭിമുഖത്തിലാണ് പരാമർശം.
മന്ത്രി പെരിയസാമിയുടെയും ഡിഎംകെ എംഎൽഎ സെന്തിൽ കുമാറിൻ്റെയും വീട്ടില്‍ ഇഡി റെയ്ഡ്. ചൈന്നെയിലും ഡിണ്ടിഗലും ഉള്ള വസിതികളും ഓഫീസുകളും കേന്ദ്രീകരിച്ചാണ് റെയ്ഡ്.
തനിക്കെതിരായ കേസിൽ ഗൂഢാലോചന ആരോപിച്ച് 'അമ്മ' പ്രസിഡൻ്റ് ശ്വേത മോനോൻ. കേസിന് പിന്നിൽ ഉറപ്പായും ആരോ ഉണ്ട്. കേസ് കേസായി തന്നെ മുന്നോട്ട് പോകും. വിട്ട് കളയാൻ താൻ തയ്യാറല്ല. കേസെടുത്തപ്പോൾ ആദ്യം തോന്നിയത് സങ്കടമായിരുന്നെന്നും ശ്വേത ന്യൂസ് മലയാളത്തോട് പറഞ്ഞു.
പുറമേരി കുഞ്ഞല്ലൂർ നരസിംഹ മൂർത്തി ക്ഷേത്രത്തിലും, സമീപത്തെ കോട്ടത്ത് ക്ഷേത്രത്തിലും മോഷണം. ക്ഷേത്രങ്ങളിലെ ഭണ്ഡാരങ്ങൾ തകർത്ത് പണം കവരുകയായിരുന്നു. ഇന്ന് പുലർച്ചെ 2.30 ഓടെയാണ് മോഷണം നടന്നത്. ശബ്ദം കേട്ട് ക്ഷേത്ര ജീവനക്കാരൻ ടോർച്ച് അടിച്ചതോടെ കള്ളൻ ഓടി രക്ഷപ്പെട്ടു.
കോഴിക്കോട് വടകരയിൽ ഷോക്കേറ്റ് മരണം. തോടന്നൂർ സ്വദേശി ഉഷ ആശാരിക്കണ്ടിയാണ് (51) മരിച്ചത്.
അലാസ്കയിലെ ട്രംപ്-പുടിന്‍ ചർച്ച അവസാനിച്ചു. മൂന്ന് മണിക്കൂറോളം നീണ്ട ചർച്ചയില്‍ യുക്രെയ്‌നില്‍ വെടിനിർത്തലിന് ധാരണയായില്ല.
എന്നാല്‍, നിർണായക വിഷയങ്ങളില്‍ പലതിലും ധാരണയിലെത്താനായെന്ന് യുഎസ് പ്രസിഡന്റ് ഡൊണാള്‍ഡ് ട്രംപ്. യുക്രെയ്ന്‍ പ്രസിഡന്റ് വൊളോഡിമർ സെലന്‍സ്കിയുമായും നാറ്റോയുമായും ഉടന്‍ ബന്ധപ്പെടുമെന്ന് ട്രംപ് അറിയിച്ചു. അടുത്ത കൂടിക്കാഴ്ച മോസ്കോയിലാകാമെന്ന് പുടിന്‍