അബുദാബി: യുഎഇയിൽ സൈബർ ആക്രമണങ്ങൾ വർധിച്ചുവരുന്ന സാഹചര്യത്തിൽ സ്വയം സുരക്ഷ ഉറപ്പാക്കണമെന്ന് അധികൃർ. ഇതുമായി ബന്ധപ്പെട്ട് പൊതു ജനങ്ങൾക്ക് മുന്നറിയിപ്പു നൽകി. സർക്കാർ സംവിധാനങ്ങൾ ആവശ്യമായ നടപടികൾ സ്വീകരിക്കുമെന്നും, എന്നാൽ അതുകൂടാതെ ഓരോരുത്തരും സ്വന്തം ഉത്തരവാദിത്വമായി കണ്ട് ഓൺലൈൻ ഇടപെടലുകളിൽ സുരക്ഷിതമായ സാഹചര്യങ്ങൾ സൃഷിക്കണമെന്നും യുഎഇയിലെ സുരക്ഷാ ഉദ്യോഗസ്ഥർ അറിയിച്ചു.
നിലവിലെ കണക്കുകളനുസരിച്ച് യുഎഇയിൽ ദിനംപ്രതി നടക്കുന്നത് ഏകദേശം രണ്ടു ലക്ഷം സൈബർ ആക്രമണങ്ങളാണ് . രാജ്യത്തെ സർക്കാർ, സ്വകാര്യ സ്ഥാപനങ്ങളെ ലക്ഷ്യമിട്ട് നിലവിൽ കൂടുതൽ ഭീഷണികൾ ഉയരുന്നത്. ഇതിൽ 60% ആക്രമണങ്ങൾ അബുദാബി, ദുബായ്, ഷാർജ എമിറേറ്റുകളിലാണ്.ഈ സാഹചര്യത്തിൽ സ്വയം പരിരക്ഷ ഉറപ്പാക്കണമെന്ന് അധികൃതർ പൊതു ജനങ്ങൾക്ക് മുന്നറിയിപ്പ് നൽകി.
ദുബൈയിൽ 21%, അബൂദബിയിൽ 19%, ഷാർജയിൽ 18% എന്നീ തോതിലാണ് സൈബർ ആക്രമണങ്ങൾ റിപ്പോർട്ട് ചെയ്തിരിക്കുന്നത്. റാസൽഖൈമ 12%, ഫുജൈറ 15%, അജ്മാൻ 9%, ഉമ്മുൽ ഖുവൈനിൽ 6% എന്നിങ്ങനെയാണ് മറ്റ് എമിറേറ്റുകളിലെ കണക്ക്.ഓൺലൈൻ കുറ്റകൃത്യങ്ങളിൽ നിന്നുള്ള സംരക്ഷണം വ്യക്തിഗത അവബോധത്തോടെയാണ് ആരംഭിക്കുന്നതെന്ന് സൈബർ സുരക്ഷാ വിദഗ്ധർ ചൂണ്ടിക്കാട്ടി. അബുദാബി പൊലീസിലെ ടെലികമ്മ്യൂണിക്കേഷൻസ് മേധാവി ലെഫ്റ്റനന്റ് കേണൽ ഡോ. ഹമദ് ഖലീഫ അൽനുഐമിയാണ് ജനങ്ങൾക്ക് ജാഗ്രതാ നിർദേശം നൽകിയത്.
ഓരോരുത്തരും സൈബർ സുരക്ഷയുടെ ഉത്തരവാദിത്തം സ്വയം ഏറ്റെടുക്കണമെന്നും ഡോ. ഹമദ് ഖലീഫ പറഞ്ഞു. നിയമപാലകരും സർക്കാരുകളും അവരുടെ പങ്ക് നിർവഹിക്കുന്നു. കമ്മ്യൂണിറ്റി വെബ്‌സൈറ്റുകൾ സൃഷ്ടിക്കുക, വിവരങ്ങൾ പങ്കിടുക, പിന്തുണ നൽകുക എന്നാൽ ആളുകൾ സ്വയം ബോധവൽക്കരിക്കേണ്ടതുണ്ട്. അജ്ഞാത ലിങ്കുകളിൽ ക്ലിക്കുചെയ്യരുത്" എന്നും അദ്ദേഹം കൂട്ടിച്ചേർത്തു. സൈബർ സുരക്ഷയുമായി ബന്ധപ്പെട്ട ബിസിനസുകളിലും മറ്റും നിക്ഷേപം കുറയുന്നതിലും ഡോ. ഹമദ് ഖലീഫ ആശങ്ക ഉയർത്തി.
കോവിഡ്-19 മഹാമാരിയുമായി താരതമ്യം ചെയ്തുകൊണ്ട്, യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാന്റെ സന്ദേശം അദ്ദേഹം സദസ്സിനെ ഓർമ്മിപ്പിച്ചു . “കൊറോണ മഹാമാരിയുടെ സമയത്ത്, 'എല്ലാവരും ഉത്തരവാദികളാണ്' എന്ന് നമ്മുടെ പ്രസിഡന്റ് പറഞ്ഞു. സർക്കാർ മരുന്ന്, സുരക്ഷ, എന്നിവ നൽകി, എന്നാൽ വ്യാപനം തടയാൻ സമൂഹവും ഉത്തരവാദിത്തത്തോടെ പ്രവർത്തിക്കേണ്ടതുണ്ടായിരുന്നു, ”അൽനുഐമി പറഞ്ഞു.
ദുബായ് പൊലീസിലെ സൈബർ ആൻഡ് എഐ ക്രൈംസ് ഡിപ്പാർട്ട്‌മെന്റ് ഫോർ മോണിറ്ററിംഗ് ആൻഡ് സെക്യൂരിറ്റി പ്രോഗ്രാംസ് ഡെപ്യൂട്ടി ഡയറക്ടർ മേജർ ഖാലിദ് തഹ്ലക്, സൈബർ കുറ്റകൃത്യങ്ങൾ റിപ്പോർട്ടുചെയ്യുന്നതിനും വിദ്യാഭ്യാസം കൂടുതൽ പ്രാപ്യമാക്കുന്നതിനും സേന എങ്ങനെ പ്രവർത്തിക്കുന്നുവെന്ന് വിശദീകരിച്ചു. "സൈബർ കുറ്റകൃത്യങ്ങൾ റിപ്പോർട്ട് ചെയ്യുന്നതിനായി ദുബായ് പോലീസിന് ഒരു പ്ലാറ്റ്‌ഫോം ഉണ്ട്. ആർക്കും ലോഗിൻ ചെയ്യാനും സംശയാസ്പദമായ പ്രവർത്തനങ്ങൾ റിപ്പോർട്ട് ചെയ്യാനും കഴിയും. ഇരകൾക്ക് വേണ്ടി മാത്രമല്ല ഞങ്ങൾ ഇത് ഉപയോഗിക്കുന്നത് - സംശയാസ്പദമായ വെബ്‌സൈറ്റുകളോ അക്കൗണ്ടുകളോ ശ്രദ്ധയിൽപ്പെട്ടാൽ ആളുകൾക്ക് വിവരങ്ങൾ പങ്കിടാനും കഴിയും," അദ്ദേഹം പറഞ്ഞു.
AI ചാറ്റ്ബോട്ട് പോലും സംശയ നിവാരണത്തിനായി സംയോജിപ്പിച്ചിട്ടുണ്ടെന്ന് മേജർ തഹ്ലക് കൂട്ടിച്ചേർത്തു. "ആളുകൾക്ക് സംശയാസ്പദമായ ഇമെയിലുകളുടെയോ സന്ദേശങ്ങളുടെയോ സ്ക്രീൻഷോട്ടുകൾ അപ്‌ലോഡ് ചെയ്യാൻ കഴിയും, കൂടാതെ AI എഞ്ചിൻ അവ യഥാർത്ഥമാണോ വ്യാജമാണോ എന്ന് തൽക്ഷണം പരിശോധിക്കുമെന്നും അദ്ദേഹം അറിയിച്ചു. സൈബർ സുരക്ഷ ഇനി ഒരു സർക്കാർ പ്രശ്‌നം മാത്രമല്ല അത് ഒരു പൊതു ഉത്തരവാദിത്തമാണെന്ന് രണ്ട് ഉദ്യോഗസ്ഥരും ഊന്നിപ്പറഞ്ഞു.GITEX Global 2025- ൽ 'Threat Intelligence 2.0: Real-Time Insights for the Next 180 Days' എന്ന സെഷനിലായിരുന്നു ഇരുവരും സംസാരിച്ചത്.