സംഘപരിവാറിനും ബിജെപിക്കുമെതിരെ ദീപിക എഡിറ്റോറിയൽ. രാ​ജ്യ​ത്ത് ക്രൈ​സ്ത​വ​ർ​ക്കെ​തി​രെ സം​ഘ​പ​രി​വാ​ർ ന​ട​ത്തു​ന്ന ആ​ക്ര​മ​ണ​ങ്ങ​ൾ വ​ർ​ധി​ച്ചു​ വരുന്നുവെന്നാണ് മുഖപ്രസം​ഗത്തിലെ നിരീക്ഷണം. വെ​റു​പ്പും വി​ദ്വേ​ഷ​വും പ​ര​ത്തു​ന്ന സം​ഘ​ട​ന​ക​ളു​ടെ ന്യൂ​ന​പ​ക്ഷ​വി​രു​ദ്ധ​ത​യ്ക്ക് കേ​ന്ദ്ര​സ​ർ​ക്കാ​രിൻ്റെ മൗ​ന​സ​മ്മ​തമുണ്ടെന്നാണ് വിമർശനം. ആ കണക്കുകള്‍ കാര്യം പറയുന്നുണ്ട് എന്ന തലക്കെട്ടിലാണ് മുഖപ്രസംഗം പ്രസിദ്ധീകരിച്ചിരിക്കുന്നത്. 

Also Read: വയനാട് ഡിസിസി ട്രഷറർ ജീവനൊടുക്കിയ സംഭവം: മരണവും സാമ്പത്തിക ഇടപാടും അന്വേഷിക്കാന്‍ വിജിലന്‍സ്

യുണൈറ്റഡ് ക്രിസ്ത്യൻ ഫോറത്തിന്റെ റിപ്പോർട്ട് അനുസരിച്ച്, ബിജെപി അധികാരത്തിൽ വന്ന 2014ൽ 127 ആക്രമണങ്ങളാണ് ക്രൈസ്തവർക്കെതിരേ ഉണ്ടായത്. പിന്നീടുള്ള ഓരോ വ‍ർഷവും അതു വർധിച്ചു. 2015ൽ 142, 2016ൽ 226, 2017ൽ 248, 2019ൽ 328, 2020ൽ 279, 2021ൽ 505, 2022ൽ 601, 2023ൽ 734, 2024 നവംബർ വരെ 745 എന്നിങ്ങനെയാണ് അതു വർധിച്ചത്. യുസിഎഫിന്റെ ഹോട്ട്ലൈനിൽ റിപ്പോർട്ട് ചെയ്യപ്പെട്ടവ മാത്രമാണിത്. ഇതിൽ, വംശീയതയുടെ മറവിൽ മണിപ്പൂരിൽ നടത്തിയ ക്രൈസ്തവ വേട്ട ഉൾപ്പെടുത്തിയിട്ടില്ല - മുഖപ്രസംഗത്തില്‍ പറയുന്നു.

Also Read: തൃശൂരിലെ പൂര പ്രേമികൾക്ക് ആവേശമായി പാറമേക്കാവ് വേല വെടിക്കെട്ട് അരങ്ങേറി

രാ​ഷ്‌​ട്ര​പ​തി​യും പ്രധാനമന്ത്രിയും ആക്രമണങ്ങൾ കണ്ടില്ലെന്ന് നടിക്കുന്നു. ആ​ശ​ങ്ക​ക​ൾ പ​രി​ഹ​രി​ക്കു​മെ​ന്ന് പ്ര​ധാ​ന​മ​ന്ത്രി ഉ​റ​പ്പു ന​ൽ​കിയെന്നും ദീപിക മുഖപ്രസം​ഗം പറയുന്നു. ഉ​റ​പ്പു​ക​ളും ആ​ശം​സ​ക​ളു​മ​ല്ലാ​തെ ന​ട​പ​ടി​യൊ​ന്നു​മി​ല്ല. മറ്റു സംസ്ഥാനങ്ങളിൽനിന്നു വ്യത്യസ്തമായി ക്രൈസ്തവരോടുള്ള ബിജെപി നിലപാട് വോട്ട് രാഷ്‌ട്രീയത്തെ മുൻനിർത്തിയുള്ള അടവുനയം. ക്രി​സ്മ​സി​നു കേ​ര​ള​ത്തി​ലും സം​ഘ​പ​രി​വാ​ർ സം​ഘ​ട​ന​ക​ൾ പ​രീ​ക്ഷ​ണ​ത്തി​നി​റ​ങ്ങിയെന്നും മുഖപ്രസം​ഗം പറയുന്നു.​ കാസയടക്കമുള്ള സംഘടനകൾക്കും പരോക്ഷ വിമർശനമുണ്ട്.