ഡൽഹിയിൽ കനത്ത മൂടൽമഞ്ഞ് തുടരുന്നു. എൻസിആർ ഭാഗങ്ങൾ മൂടൽമഞ്ഞ് കനത്തതോടെ ദൃശ്യപരത ഗണ്യമായി കുറഞ്ഞു. ഇത് വിമാന, ട്രെയിൻ പ്രവർത്തനങ്ങളെ സാരമായി ബാധിച്ചു. ഡൽഹി അന്താരാഷ്ട്ര വിമാനത്താവളത്തിലെ 150ലധികം വിമാനങ്ങൾ വൈകിയതായി എയർപോർട്ട് അ​ധികൃതർ അറിയിച്ചു. അതേസമയം, കുറഞ്ഞ ദൃശ്യപരത ലാൻഡിങ്ങിന് സജ്ജീകരിച്ച വിമാനങ്ങളുടെ ലാൻഡിങ്ങും ടേക്ക്ഓഫും തുടരുമെന്നും എയർപോർട്ട് അധികൃതർ പറഞ്ഞു.

ഗോവയിൽ നിന്നുള്ള കേരള ഗവർണർ രജേന്ദ്രവിശ്വാനാഥ് അവലേക്കറുടെ വിമാനവും വൈകുമെന്ന് അ​ധികൃതർ വ്യക്തമാക്കി. 26 ട്രെയിനുകളും വൈകിയാണ് സർവീസ് നടത്തുന്നത്. ഉത്തരേന്ത്യയിലെ കനത്ത മൂടൽമഞ്ഞ് കഴിഞ്ഞ ഏതാനും ആഴ്ചകളായി നൂറുകണക്കിന് വിമാനങ്ങളും ട്രെയിനുകളും

ALSO READ: കേന്ദ്ര കാലാവസ്ഥാ വകുപ്പിൻ്റെ 150-ാം വാർഷികം; അവിഭക്ത ഇന്ത്യ സെമിനാറിൽ പാകിസ്ഥാനും ബംഗ്ലാദേശിനും ക്ഷണം

പഞ്ചാബ്, ഹരിയാന, രാജസ്ഥാൻ എന്നിവയുൾപ്പെടെ ഉത്തരേന്ത്യയുടെ പല ഭാഗങ്ങളിലും വരും ദിവസങ്ങളിൽ മൂടൽ മഞ്ഞ് വർധിക്കാൻ സാധ്യതയുണ്ടെന്നാണ് കാലാവസ്ഥാ വകുപ്പിൻ്റെ പ്രവചനം. താപനില 5 ഡിഗ്രി സെൽഷ്യസിലേക്ക് താഴുമെന്ന മുന്നറിയിപ്പുള്ളതിനാൽ വെള്ളിയാഴ്ച ഡൽഹിയിൽ യെല്ലോ അലേർട്ട് നൽകിയിട്ടുണ്ട്.

അതേസമയം, ഡല്‍ഹിയിലെ വായുമലിനീകരണവും ഗുരുതരമായി തുടരുകയാണ്. കേന്ദ്ര മലിനീകരണ നിയന്ത്രണ ബോർഡ് വെബ്‌സൈറ്റിലെ ഡാറ്റ അനുസരിച്ച് തലസ്ഥാനത്തെ ഇന്നത്തെ വായുഗുണനിലവാര സൂചിക 408 ആണ്.