ഐഎസ്ആർഒ ബഹിരാകാശ സഞ്ചാരി ശുഭാൻഷു ശുക്ലയെ നാസയുടെ ആക്സിയം മിഷൻ 4ൻ്റെ ആദ്യ ഇന്ത്യൻ ബഹിരാകാശ സഞ്ചാരിയായി തെരഞ്ഞെടുത്തു. ഇന്ത്യൻ എയർഫോഴ്സ് ഫൈറ്റർ പൈലറ്റായ ശുഭാൻഷു, അന്താരാഷ്ട്ര ബഹിരാകാശ നിലയത്തിലേക്ക് വിക്ഷേപിക്കാനൊരുങ്ങുന്ന ആക്സ് 4 ൻ്റെ പൈലറ്റാകും.

നാസയും ഐഎസ്ആര്‍ഒയും തമ്മിലുള്ള സഹകരണത്തിന്റെ ഭാഗമായാണ് ഒരു ഇന്ത്യക്കാരന് വീണ്ടും ബഹിരാകാശ യാത്രയ്ക്ക് അവസരം ലഭിച്ചത്. ഫ്ലോറിഡയിലെ നാസയുടെ കെന്നഡി സ്‌പേസ് സെൻ്ററിൽ നിന്ന് സ്‌പേസ് എക്‌സ് ഡ്രാഗൺ ബഹിരാകാശ പേടകത്തിലായിരിക്കും ശുഭാൻഷു പറന്നുയരുന്നത്.

ALSO READ: ബഹിരാകാശ നടത്തത്തിൽ റെക്കോർഡിട്ട് സുനിതാ വില്യംസ്; നടന്നത് 62 മണിക്കൂർ 6 മിനുട്ട്

മുൻ നാസ ബഹിരാകാശ സഞ്ചാരിയും ആക്സിയം സ്‌പെയ്‌സിന്റെ ഹ്യൂമൻ സ്‌പേസ് ഫ്ലൈറ്റ് ഡയറക്ടറുമായ പെഗ്ഗി വിറ്റ്‌സണാണ് ആക്‌സ്-4 ദൗത്യത്തിന് നേതൃത്വം നൽകുന്നത്. യൂറോപ്യൻ സ്‌പേസ് ഏജൻസി പ്രോജക്ട് ബഹിരാകാശയാത്രിക പോളണ്ടിൽ നിന്നുള്ള സ്ലാവോസ് ഉസ്‌നാൻസ്കി-വിസ്‌നെവ്‌സ്‌കിയും ഹംഗറിയിൽ നിന്നുള്ള ടിബോർ കാപുവുമാണ് രണ്ട് മിഷൻ സ്പെഷ്യലിസ്റ്റുകൾ.