രാഹുൽ മാങ്കൂട്ടത്തിൽ എംഎൽഎക്കെതിരെ പരാതി നൽകി ബിജെപി. ബിജെപിയുടെ ഈസ്റ്റർ സന്ദർശനത്തെ സംബന്ധിച്ച രാഹുൽ മാങ്കൂട്ടത്തിൽ മാധ്യമങ്ങൾക്ക് നൽകിയ പ്രതികരണത്തിലാണ് പരാതി. മണിപ്പൂരിലെ പോലെ പിച്ചാത്തിയുമായി അരമനയിൽ കയറി ചെല്ലാതിരുന്നാൽ മതിയെന്നായിരുന്നു പരാമർശം.

ALSO READ: ഈസ്റ്റർ സ്നേഹയാത്രയില്‍ ബിജെപിയില്‍ ഭിന്നത; ഭവന സന്ദർശനം ഒഴിവാക്കിയിട്ടില്ലെന്ന് ഒരു വിഭാഗം നേതാക്കള്‍

ബിജെപി പാലക്കാട് മണ്ഡലം കമ്മിറ്റിയാണ് സൗത്ത് പൊലീസിൽ പരാതി നൽകിയത്. സമൂഹത്തിൽ സ്പർധ ഉണ്ടാക്കാൻ രാഹുൽ മാങ്കൂട്ടത്തിൽ ശ്രമിച്ചെന്നാണ് പരാതി. അരമനയിലേക്ക് വാക്കത്തിയും പിച്ചാത്തിയും ദണ്ഡുമായി പോയി ആക്രമിക്കുന്നവരാണ് എന്ന തരത്തിൽ ദുരുദ്ദേശത്തോട് കൂടിയുള്ള പ്രസ്താവനയാണ് എംഎൽഎയുടെ ഭാ​ഗത്ത് നിന്ന് ഉണ്ടായത്. ഇത് സമൂഹത്തിൽ കലാപാഹ്വാനം ഉണ്ടാക്കുന്നതാണ്. എംഎൽഎ സ്ഥിരമായി ജനപ്രതിനിധിയുടെ പക്വത കാണിക്കാതെയാണ് പെരുമാറുന്നത്. അപക്വമായ പ്രസ്താവനകളാണ് ആവ‍ർത്തിക്കുന്നത്. സമൂഹത്തിൻ്റെ സമാധാനാന്തരീക്ഷം തക‍ർക്കുന്ന രീതിയിലാണ് പ്രതികരണം. ഇത് അവസാനിപ്പിക്കണം, വിദ്വേഷ പരാമ‍ർശത്തിൽ കേസെടുക്കണമെന്നും ബിജെപി പാലക്കാട് മണ്ഡലം കമ്മിറ്റിയുടെ പരാതിയിൽ പറയുന്നു.

ALSO READ: ദിവ്യ എസ്. അയ്യറിൻ്റെ ഫേസ്ബുക്ക് പോസ്റ്റിന് അശ്ലീല കമൻ്റ്; ദലിത് കോൺഗ്രസ്‌ ജില്ലാ സെക്രട്ടറിക്ക് സസ്പെൻഷൻ