തിരുവനന്തപുരം മംഗലപുരത്ത് പത്താം ക്ലാസുകാരൻ അഷിഖിനെ തട്ടിക്കൊണ്ട് പോയ കേസിൽ നാല് പേർ പിടിയിൽ. ശ്രീജിത് (23) , അഭിരാജ് (20) , അഭിറാം (23) , അശ്വിൻ (20) എന്നിവരാണ് കസ്റ്റഡിയിൽ ഉള്ളത്. തട്ടിക്കൊണ്ടു പോകാൻ ഉപയോഗിച്ച കാറും പൊലീസ് കണ്ടെത്തി. സംഘത്തിലെ രണ്ട് പേർ ഇന്നലെ തന്നെ പിടിയിലായിരുന്നു. ഇതില്‍ അഭിരാജ് , അഭിറാം എന്നിവര്‍ സഹോദരങ്ങളാണ്.

ALSO READ: തൊഴില്‍സ്ഥലത്ത് മാനസിക പീഡനം നേരിട്ടു; കയര്‍ ബോര്‍ഡ് ജീവനക്കാരി ജോളി എഴുതിയ കത്ത് പുറത്ത്

കഴിഞ്ഞ ദിവസം രാത്രി 7.45 ഓടെയായിരുന്നു മംഗലപുരത്ത് ആഷിഖിനെ വീട്ടിൽ നിന്ന് വിളിച്ചിറക്കികൊണ്ട് ബലമായി കാറിൽ കയറ്റി കൊണ്ടു പോയി മർദിച്ചത്. മണിക്കൂറുകൾ നീണ്ട തിരച്ചിലിനൊടുവിൽ ആറ്റിങ്ങൽ ഭാ​ഗത്ത് നിന്നാണ് കുട്ടിയെ കണ്ടെത്തിയത്. കീഴാറ്റിങ്ങലിൽ റബർ തോട്ടത്തിൽ തടഞ്ഞുവെച്ചിരുന്ന പത്താം ക്ലാസുകാരനെ പിൻതുടർന്ന് എത്തിയ പൊലീസാണ് കുട്ടിയെ രക്ഷപ്പെടുത്തിയത്.

ALSO READ: ഭാര്യയുടെ സമ്മതമില്ലാതെ പ്രകൃതി വിരുദ്ധ ലൈംഗിക ബന്ധത്തില്‍ ഏര്‍പ്പെടുന്നത് കുറ്റകരമല്ല; പ്രതിയെ വെറുതെവിട്ട് ഛത്തീസ്ഗഡ് ഹൈക്കോടതി

പ്രതികളിലൊരാളായ അശ്വിൻ്റെ പെൺസുഹൃത്തായിരുന്ന കുട്ടിയുമായുള്ള അടുപ്പത്തെ തുടർന്നാണ് പത്താം ക്ലാസുകാരനെ നാലം​ഗ സംഘം തട്ടിക്കൊണ്ട് പോയതെന്ന് പൊലീസ് പറയുന്നു. പെൺകുട്ടിയുമായി ഉണ്ടായിരുന്ന സൗഹൃദമാണ് തട്ടിക്കൊണ്ടു പോകലിന് കാരണം. അശ്വിനും പെൺകുട്ടിയും നേരത്തെ സൗഹൃദത്തിലായിരുന്നു. പെൺകുട്ടി സൗഹൃദം ഉപേക്ഷിച്ചതാണ് പ്രതികാരത്തിന് കാരണമെന്നും പൊലീസ് പറയുന്നു.