വൈകാരികമായി പ്രതികരിച്ച് സിസ്റ്റര്‍ പ്രീതി മേരിയുടെ കുടുംബം. എപ്പോഴും പ്രാര്‍ത്ഥിച്ചു എന്ന് സിസ്റ്ററിന്റെ അച്ഛന്‍ പറഞ്ഞു. കേസ് പിന്‍വലിക്കണം എന്നും കുടുംബം ആവശ്യപ്പെട്ടു. നടപടികള്‍ നീണ്ടു പോകരുതെന്നും എല്ലാവര്‍ക്കും നന്ദിയെന്നും പിതാവ് വ്യക്തമാക്കി.
"ജാമ്യം കിട്ടിയതില്‍ സന്തോഷം. ചെയ്യാത്ത കുറ്റത്തിനാണ് ജയിലിലായത്. ജാമ്യം കിട്ടാതിരിക്കാന്‍ പ്രോസിക്യൂഷന്‍ വാദിച്ചു. ജാമ്യം കൊടുക്കരുതെന്നാണ് ഇന്നും പ്രോസിക്യൂഷന്‍ ആവശ്യപ്പെട്ടത്. കൊലക്കുറ്റം ചെയ്ത ക്രിമിനലുകളെ പോലെയാണ് കന്യാസ്ത്രീകളെക്കുറിച്ച് പറഞ്ഞു പരത്തിയത്. ബിജെപി സംസ്ഥാന ദേശീയ നേതൃത്വങ്ങള്‍ പറഞ്ഞതില്‍ പ്രസക്തിയില്ല," വി.ഡി. സതീശന്‍ പറഞ്ഞു.
വിധി താല്‍ക്കാലിക ആശ്വാസമെന്നും എഫ്‌ഐആര്‍ റദ്ദാക്കാന്‍ ഛത്തീസ്ഗഡ് സര്‍ക്കാര്‍ തയാറാകണമെന്നും മന്ത്രി പി. രാജീവ്. ഇത്തരം നടപടിക്കെതിരെ വലിയ പ്രതിരോധം ഉയര്‍ന്ന് വരണം. കേരളത്തിലെ വിഎച്ച്പി നേതാക്കള്‍ മാവോയിസ്റ്റ് ബന്ധം കൂടി അന്വേഷിക്കണമെന്ന് ഇപ്പോഴും ആവശ്യപ്പെടുന്നുവെന്നും സിസ്റ്റര്‍ പ്രതീ മേരിയുടെ കുടുംബത്തെ സന്ദര്‍ശിച്ച ശേഷം പി. രാജീവ് പറഞ്ഞു.
ഒമ്പതാം ക്ലാസുകാരി ആശിർനന്ദയുടെ മരണത്തിൽ ശ്രീകൃഷ്ണപുരം സെയ്‌ൻ്റ് ഡൊമിനിക്‌സ് സ്‌കൂളിലെ അധ്യാപകർക്കെതിരെ കേസ്. സംഭവ സമയത്തെ പ്രിൻസിപ്പൽ ഉൾപ്പെടെ മൂന്നുപേർക്കെതിരെയാണ് ശ്രീകൃഷ്ണപുരം പൊലീസ് കേസെടുത്തത്.