കൊല്ലം കോട്ടുക്കൽ ക്ഷേത്രോത്സവത്തോട് അനുബന്ധിച്ച് നടന്ന ​ഗാനമേളയിൽ ആർഎസ്എസിന്റെ ഗണഗീതം കേസെടുത്ത് പൊലീസ്. കടയ്ക്കൽ പൊലീസാണ് കേസെടുത്തിരിക്കുന്നത്. കോട്ടുക്കൽ മഞ്ഞിപ്പുഴ ശ്രീ ഭഗവതി ഭദ്രകാളി ക്ഷേത്രത്തിൽ ഗണഗീതം പാടിയതാണ് വിവാദമായത്. സംഭവത്തിൽ കോട്ടുക്കൽ സ്വദേശി അഖിലാണ് പരാതി നൽകിയത്.

Also Read: കൊല്ലത്ത് ക്ഷേത്രോത്സവ ഗാനമേളയില്‍ RSS ഗണഗീതം; പരാതി നല്‍കി ഉപദേശക സമിതിയംഗം

ശനിയാഴ്ച രാത്രി ക്ഷേത്രോത്സവത്തിന്റെ ഭാ​ഗമായി 'നാ​ഗർകോവിൽ നൈറ്റ് ബേഡ്സ്' എന്ന ​ഗായക സംഘം അവതരിപ്പിച്ച ​ഗാനമേളയിലാണ് ഗണഗീതം പാടിയത്. ടീം ഛത്രപതി എന്ന ഗ്രൂപ്പാണ് ​ഗാനമേളയുടെ സ്പോൺസർമാർ. ​ഗാനമേള ബുക്ക് ചെയ്ത സമയത്ത് തന്നെ ആർഎസ്എസിന്റെ രണ്ട് ​ഗാനങ്ങൾ പാടണമെന്ന് സ്പോൺസർമാർ ആവശ്യപ്പെട്ടുവെന്നാണ് ​ഗാനമേള സംഘം പറയുന്നത്. അതിൽ ഒരു ​ഗാനമേ തങ്ങൾക്ക് അറിയുള്ളുവെന്നും അത് പാടാമെന്ന് ഉറപ്പ് നൽകിയെന്നുമാണ് ഇവർ പറയുന്നത്. ഇതിന്റെ അടിസ്ഥാനത്തിലാണ് ക്ഷേത്രത്തിൽ ​ഗണ​ഗീതം പാടിയത്.

Also Read: ''ഐബി ഉദ്യോഗസ്ഥയുടെ ഫോണ്‍ തകര്‍ന്ന നിലയിലായിരുന്നു; ശാരീരികമായും മാനസികമായും പീഡിപ്പച്ചതിനുള്ള തെളിവുകള്‍ ലഭിച്ചു''

പാടിയത് ദേശഭക്തിഗാനമാണെന്നായിരുന്നു ക്ഷേത്രം ഉപദേശക സമിതിയുടെ വിശദീകരണം. പരാതി രാഷ്ട്രീയ ലക്ഷ്യത്തോടെയാണെന്നും ഉപദേശക സമിതി ആരോപിച്ചു. പരാതി നൽകിയ അഖിലും ക്ഷേത്രം ഉപദേശക സമിതി അം​ഗമാണ്. അഖിലിന്റെ മൊഴി കടയ്ക്കൽ പൊലീസ് രേഖപ്പെടുത്തിയിരുന്നു. സംഭവത്തിൽ കടയ്ക്കൽ പൊലീസ് അന്വേഷണം ആരംഭിച്ചു.