കണ്ണൂരിൽ പോക്സോ കേസിൽ റിമാൻഡിൽ കഴിയുന്ന യുവതിക്കെതിരെ വീണ്ടും കേസ്. 12 വയസുള്ള പെൺകുട്ടിയെ പീഡിപ്പിച്ചതിന് അറസ്റ്റിലായ പുളിമ്പറമ്പിലെ സ്നേഹ മെർലിനെതിരെയാണ് വീണ്ടും കേസ്. 12കാരിയുടെ സഹോദരനെയും 23കാരിയായ സ്നേഹ ലൈംഗിക പീഡനത്തിന് ഇരയാക്കിയെന്ന് കണ്ടെത്തൽ.

ALSO READ: പപുവ ന്യൂ ഗിനിയയിലെ ന്യൂ ബ്രിട്ടന്‍ തീരത്ത് വന്‍ ഭൂകമ്പം; 6.9 തീവ്രത രേഖപ്പെടുത്തി

നിർബന്ധിച്ച് ലൈംഗികമായി ഉപയോഗിച്ചെന്ന് ഇരയായ പെൺകുട്ടിയുടെ സഹോദരനായ 15കാരൻ മൊഴി നൽകി. നേരത്തെ 15കാരൻ ഈ വിവരം പുറത്തുപറഞ്ഞിരുന്നില്ല. എന്നാൽ, തന്നെയും ലൈം​ഗികമായി ഉപയോ​ഗിച്ചെന്ന് ആൺകുട്ടി വീട്ടുകാരോട് തുറന്ന് പറയുകയായിരുന്നു. ഇതേ തുട‍ർന്നാണ് തളിപ്പറമ്പ് പൊലീസ് വീണ്ടും യുവതിക്കെതിരെ കേസെടുത്തിരിക്കുന്നത്.

കണ്ണൂർ തളിപ്പറമ്പിൽ കഴിഞ്ഞ മാസം മൂന്നിനാണ് സ്നേഹ മെർലിൻ 12കാരിയെ പീഡിപ്പിച്ചതിന് അറസ്റ്റിലായത്. പെൺകുട്ടിയെ പ്രലോഭിപ്പിച്ചും വിവിധ സമ്മാനങ്ങൾ വാങ്ങി നൽകിയുമാണ് ലൈം​ഗികമായി പീഡിപ്പിച്ചിരുന്നത്. ചൈൽഡ് ലൈൻ അധികൃതർ നടത്തിയ കൗൺസിലിംഗിലാണ് പീഡനവിവരം പുറത്തു വന്നത്. പലതവണ പെൺകുട്ടി പീഡിപ്പിക്കപ്പെട്ടിട്ടുണ്ടെന്ന് പൊലീസ് അറിയിച്ചിരുന്നു.

ALSO READ: 'മോദി സർക്കാർ ഫാസിസ്റ്റല്ല, നവ ഫാസിസ്റ്റ് പ്രവണതകൾ ഉള്ളത്'; രാഷ്ട്രീയ പ്രമേയത്തിന് പാർട്ടി കോൺഗ്രസിൽ അംഗീകാരം

സ്നേഹ മറ്റ് കുട്ടികളെയും ലൈം​ഗികമായി പീഡിപ്പിച്ചു എന്ന തരത്തിലുള്ള വിവരങ്ങൾ നേരത്തെ പുറത്തുവന്നിരുന്നു. എന്നാൽ, പരാതികളായി വരാത്ത സാഹചര്യമാണ് ഉണ്ടായിരുന്നത്.