കോഴിക്കോട് മെഡിക്കൽ കോളേജ് ആശുപത്രിയിലെ മരുന്ന് ക്ഷാമം ഉടൻ പരിഹരിക്കുമെന്ന് ആരോഗ്യമന്ത്രി വീണ ജോർജ്. കാരുണ്യ പദ്ധതി വഴി മരുന്നുകൾ ലഭ്യമാക്കും. ഏറ്റവും കൂടുതൽ സൗജന്യ ചികിത്സ നൽകുന്ന ആശുപത്രിയാണ് കോഴിക്കോട് മെഡിക്കൽ കോളേജെന്നും മന്ത്രി ചൂണ്ടിക്കാട്ടി.

ALSO READ: ലോക്കപ്പിൽ 16 വയസുകാരന് മർദനം; സംഭവം വാടാനപ്പള്ളി പൊലീസ് സ്റ്റേഷനിൽ

"അധികമായി രോഗികൾ എത്തിയത് മൂലമുണ്ടായ ചിലവാണ് കൂടുതലായി ഉണ്ടായത്. കാരുണ്യ വഴി മരുന്നുകൾ ലഭ്യമാക്കും. കെഎംസിഎൽ ലഭ്യമാകുന്ന മരുന്നുകൾ എല്ലായിടത്തും ഉറപ്പാക്കിയിട്ടുണ്ട്. കേന്ദ്രം നൽകാനുള്ളത് 800 കോടിയോളം രൂപയാണ്. 2023 - 24ൽ കേന്ദ്രം ഒരു രൂപ പോലും നൽകിയില്ല. മരുന്ന് ക്ഷാമം ഉടൻ പരിഹരിക്കും" വീണ ജോർജ് പറഞ്ഞു.

ALSO READ: പുതുപ്പാടിയില്‍ അമ്മയെ വെട്ടിക്കൊന്ന സംഭവം; മകന്‍ ആഷിഖിനെ റിമാന്‍ഡ് ചെയ്തു

വിതരണക്കാർക്കുള്ള കുടിശ്ശിക 90 കോടി രൂപയിൽ അധികമായതോടെ, ഈ മാസം 10 മുതലാണ് കോഴിക്കോട് മെഡിക്കൽ കോളജിലേക്കുള്ള മരുന്നു വിതരണം നിർത്തിവെച്ചത്. പ്രതിസന്ധി രൂക്ഷമയതോടെ മെഡിക്കൽ കോളേജ് അധികൃതർ വിതരണക്കാരെ ചർച്ചക്ക് വിളിച്ചിരുന്നു. എന്നാൽ, കുടിശ്ശികയിൽ 30 കോടിയെങ്കിലും നൽകാതെ മരുന്ന് വിതരണം പുനഃസ്ഥാപിക്കാൻ കഴിയില്ലെന്ന് വിതരണക്കാർ യോഗത്തെ അറിയിക്കുകയായിരുന്നു.