ക്രിസ്തുമസ് ദിനത്തില്‍ കേരള സംസ്ഥാന ശിശുക്ഷേമ സമിതിയുടെ തിരുവനന്തപുരം അമ്മത്തൊട്ടിലില്‍ നവജാതശിശുവിനെ ലഭിച്ചതായി മന്ത്രി വീണാ ജോര്‍ജ് അറിയിച്ചു. പുലര്‍ച്ചെ 5.50 നാണ് 3 ദിവസം പ്രായമുള്ള ഒരു പെണ്‍കുഞ്ഞിനെ ലഭിച്ചത്. ഫേസ്ബുക്കിലൂടെയാണ് മന്ത്രി വീണാ ജോര്‍ജ് സന്തോഷവാർത്ത പങ്കുവച്ചത്.

ALSO READ: മൂന്ന് വയസുകാരി കുഴൽക്കിണറിൽ വീണു; രക്ഷാപ്രവർത്തനം പുരോഗമിക്കുന്നു

ഈ വര്‍ഷം ഇതുവരെ 22 കുഞ്ഞുങ്ങളെയാണ് തിരുവനന്തപുരത്തെ ശിശുക്ഷേമ സമിതിയുടെ അമ്മത്തൊട്ടിലില്‍ മാത്രം ലഭിച്ചതെന്നും മന്ത്രി പറഞ്ഞു. ക്രിസ്തുമസ് പുലരിയില്‍ ജനിച്ച കുഞ്ഞ് മകള്‍ക്ക് അനുയോജ്യമായ പേര് ക്ഷണിക്കുന്നതായും മന്ത്രി അറിയിച്ചു.