ബ്യൂണസ് ഐയേഴ്സിലെ റിവർപ്ലേറ്റ് സ്റ്റേഡിയത്തിൽ, ദി കംപ്ലീറ്റ് ലയണൽ മെസി ഷോ. ദക്ഷിണ അമേരിക്ക ലോകകപ്പ് യോ​ഗ്യതാ മത്സരത്തിൽ മെസി കരുത്തിൽ ബൊളീവിയയെ എതിരില്ലാത്ത ആറ് ​ഗോളുകൾക്ക് തകർത്ത് അർജന്റീന. ഹാട്രികും രണ്ട് അസിസ്റ്റുകളുമായി മെസി നിറഞ്ഞാടിയപ്പോൾ വെറും കാഴ്ചക്കാരായി നിൽക്കാൻ മാത്രമേ ബൊളീവിയക്ക് സാധിച്ചുള്ളൂ.

ALSO READ : ബംഗ്ലാദേശിനെതിരായ മത്സരത്തിലെ സെഞ്ചുറി ജീവിതത്തിലെ ഏറ്റവും നല്ല നിമിഷം: സഞ്ജു സാംസൺ

19, 84, 86 മിനിറ്റുകളിലായിരുന്നു മെസിയുടെ ​ഗോൾ നേട്ടങ്ങൾ. പത്തൊമ്പതാം മിനിറ്റിൽ ലൗറ്റാരോ മാർട്ടീനസിന്റെ അസിസ്റ്റിലൂടെ മെസിയാണ് അർജന്റീനയുടെ ​ഗോൾവേട്ടയ്ക്ക് തുടക്കമിട്ടത്. രണ്ടാം പ്രഹരം മാർട്ടീനസിന്റേതായിരുന്നു. അതിന് വഴിയൊരുക്കിയതോ, മെസിയും. ആദ്യ പകുതിയുടെ അവസാന നിമിഷങ്ങളിൽ മെസിയുടെ അസിസ്റ്റിൽ ജൂലിയൻ അൽവാരസും ​ഗോൾ നേടിയതോടെ അർജന്റീന മത്സരത്തിൽ തങ്ങളുടെ ആധികാരികത ആദ്യ പകുതിയിൽ തന്നെ ഉറപ്പിച്ചു.

ALSO READ : ധോണിയും പന്തും പ്ലീസ് സ്റ്റെപ്പ് ബാക്ക് ; ആ റെക്കോര്‍ഡ് സഞ്ജു തൂക്കി !

അർജന്റീനയ്ക്കായി അടുത്ത ​ഗോൽ നേടിയത് അറുപത്തിയൊമ്പതാം മിനിറ്റിൽ തിയാഗോ അല്‍മാഡയായിരുന്നു. പിന്നാലെ, 84-ാം മിനിറ്റിലും 86-ാം മിനിറ്റിലും മെസി ബൊളീവിയൻ ​ഗോൾ വല കുലുക്കി ഹാട്രിക് തികച്ചു. ഈ ജയത്തോടെ യോഗ്യതാ റൗണ്ടിൽ 10 കളികളില്‍ നിന്ന് 22 പോയന്റുമായി അര്‍ജന്റീനയാണ് ഒന്നാമത്.