ഭാരതപ്പുഴയിൽ കുളിക്കാൻ ഇറങ്ങിയ നാലംഗ കുടുംബം ഒഴുക്കിൽപ്പെട്ട സംഭവത്തിൽ ഒരാളുടെ മൃതദേഹം കണ്ടെത്തി. ചെറുതുരുത്തി സ്വദേശി ഓടക്കൽ വീട്ടിൽ ഷാഹിനയാണ് മരിച്ചത്. ബാക്കിയുള്ള മൂന്ന് പേർക്കായുള്ള തെരച്ചിൽ തുടരുകയാണ്. ഫയർഫോഴ്സും പൊലീസുമാണ് മേഖലയിൽ തെരച്ചിൽ നടത്തുന്നത്.

ALSO READ: പ്രതി കൃത്യം നടത്താൻ കയറിയത് സ്റ്റെയർകെയ്സ് വഴി; സെയ്‌ഫ് അലി ഖാനെ ആക്രമിച്ച ഒരു പ്രതിയെ തിരിച്ചറിഞ്ഞതായി പൊലീസ്

ദമ്പതികൾ ആയ കബീറും ഷാഹിനയും ഇവരുടെ മകളായ 10 വയസ്സുള്ള സറ, ഷാഹിനയുടെ സഹോദരിയുടെ മകൻ 12 വയസ്സുള്ള സനു എന്നിവരായിരുന്നു ഒഴുക്കിൽപ്പെട്ടത്. ചെറുതുരുത്തിയിലെ സറ ബേക്കറിയുടമയാണ് കബീർ.