സിപിഐ, പ്രതിപക്ഷ സർവീസ് സംഘടനകൾ ഇന്ന് പണിമുടക്കും. പങ്കാളിത്ത പെൻഷൻ ഒഴിവാക്കുക, ശമ്പള പരിഷ്ക്കരണം നടപ്പിലാക്കുക തുടങ്ങിയ ആവശ്യങ്ങൾ ഉന്നയിച്ചാണ് സർക്കാർ ജീവനക്കാരുടെ പണിമുടക്ക്. സമരത്തെ നേരിടാൻ അവധിയെടുക്കലിന് സർക്കാർ കർശന നിയന്ത്രണങ്ങൾ ഏർപ്പെടുത്തിയിട്ടുണ്ട്.

ALSO READ: ഇസ്ലാം നിയമം മത പണ്ഡിതന്മാര്‍ പറയും, ഞങ്ങളുടെ മേല്‍ കുതിര കയറാന്‍ വരേണ്ട; എം.വി. ഗോവിന്ദന് മറുപടിയുമായി കാന്തപുരം

സെക്രട്ടറിയേറ്റിന് മുന്നിലും വിവിധ ഓഫീസുകളിലും രാവിലെ പണിമുടക്കിന് ആഹ്വാനം ചെയ്ത സംഘടനകൾ പ്രതിഷേധ പ്രകടനം നടത്തും. സമരത്തെ നേരിടാൻ ഡയസ്നോൺ അടക്കം സർക്കാർ പ്രഖ്യാപിച്ചു. ഓഫീസുകൾക്ക് പൊലീസ് സംരക്ഷണവും നൽകും.

ALSO READ: ബലാത്സംഗക്കേസിലെ പ്രതി അക്ഷയ് ഷിൻഡെയുടെ കസ്റ്റഡി മരണം; ഉത്തരവാദികൾ 5 പൊലീസ് ഉദ്യോഗസ്ഥരെന്ന് കണ്ടെത്തൽ

അതേസമയം, അധ്യാപകരുടെയും ജീവനക്കാരുടെയും പണിമുടക്കിനെ കഴിഞ്ഞ ദിവസം സെക്രട്ടേറിയറ്റ് എംപ്ലോയിസ് അസോസിയേഷൻ പരിഹസിച്ചു. സിപിഐ സംഘടനയായ ജോയിൻ്റ് കൗൺസിലിനെതിരെയാണ് സിപിഎം സംഘടനയുടെ പ്രത്യക്ഷ വിമർശനം. കൊങ്ങി-സംഘി പ്രഭൃതികൾക്കൊപ്പം തോളിൽ കൈയിടാൻ അതിവിപ്ലവകാരികളും ഇറങ്ങിത്തിരിച്ചു. അന്തി ചന്തയിൽ കൂടുന്ന ആളുകൾ പോലും ഇല്ലാത്തവരാണ് വിപ്ലവത്തിന്റെ അട്ടിപ്പേർ അവകാശമേറ്റെടുത്തിരിക്കുന്നതെന്നും വിമർശനം. എന്നാൽ, അന്തി ചന്തക്ക് ആളുണ്ടോ ഇല്ലയോ എന്ന് അറിയാമെന്ന് പരിഹാസത്തിൽ ജോയിൻ്റ് കൗൺസിലിൻ്റെ മറുപടി നൽകി.