കോഴിക്കോട് ചെക്യാട് പതിമൂന്ന് വയസ്സുകാരനായ മകന് കാറോടിക്കാൻ നൽകിയ പിതാവിനെതിരെ കേസെടുത്ത് പൊലീസ്. ചെക്യാട് വേവം സ്വദേശി തേർക്കണ്ടിയിൽ നൗഷാദ് (37) നെതിരെയാണ് വളയം പൊലീസ് കേസെടുത്തത്. പതിമൂന്ന് വയസുകാരന് ഓടിക്കാൻ നൽകിയ കാർ, വളയം പൊലീസ് കസ്റ്റഡിയിലെടുത്തു.

Also Read: കടയ്ക്കല്‍ ക്ഷേത്രത്തിലെ വിപ്ലവ ഗാന വിവാദം: അന്വേഷണം തുടങ്ങി ദേവസ്വം വിജിലന്‍സ്; വിശദീകരണം തേടി ദേവസ്വം ബോര്‍ഡ്

കഴിഞ്ഞ വർഷം ഒക്ടോബർ 24 നാണ് കേസിന് ആസ്പദമായ സംഭവം. വീടിന് മുൻവശത്തെ റോഡിലൂടെ പ്രായപൂർത്തിയാകാത്ത കുട്ടി കാർ ഓടിച്ച് പോകുന്ന റീൽസ് വീഡിയോ സാമൂഹിക മാധ്യമങ്ങളിൽ പ്രചരിച്ചിരുന്നു. മകനൊപ്പം നൗഷാദും വാഹനത്തിലുള്ളതായി വീഡിയോയിൽ കാണാം. ഈ വീഡിയോ കേരള പൊലീസിൻ്റെ ശുഭയാത്ര പോർട്ടലിൽ പരാതിയായി വന്നതോടെയാണ്‌ പൊലീസ് അന്വേഷണം ആരംഭിച്ചത്.