തോക്ക് നന്നാക്കുന്നതിനിടെ പൊലീസുകാരന്റെ കയ്യിൽ നിന്ന് വെടി പൊട്ടി വനിതാ ഉദ്യോ​ഗസ്ഥയ്ക്ക് പരിക്കേറ്റു. സംഭവത്തിൽ തോക്ക് കൈകാര്യം ചെയ്ത സിപിഒ സുബിന് സസ്പെൻഷൻ. കണ്ണൂർ തലശേരി പൊലീസ് സ്റ്റേഷനിലാണ് സംഭവം. പൊലീസുകാരൻ്റെ കയ്യിൽ നിന്ന് അബദ്ധത്തിൽ വെടി പൊട്ടുകയായിരുന്നു. വെടിയേറ്റ് തറയിൽ നിന്ന് ചീള് തെറിച്ചാണ് വനിതാ ഉദ്യോഗസ്ഥക്ക് കാലിന് പരിക്കേറ്റത്.

ALSO READ: 'ഒരു തോക്കിൻ്റെ ഉണ്ട മതി ഒരാളുടെ ജീവിതം അവസാനിപ്പിക്കാൻ, സുരക്ഷ ഉറപ്പാക്കണം'; ഫാദർ ഡേവിസ് ജോർജിൻ്റെ സഹോദരൻ

കഴിഞ്ഞ ബുധനാഴ്ചയാണ് സംഭവം. പാറാവ് ഡ്യൂട്ടിയിലായിരുന്ന സിപിഒ സുബിനാണ് അബദ്ധം പറ്റിയത്. ഡ്യൂട്ടി മാറുന്നതിനിടയിലാണ് വെടി പൊട്ടിയത്. സുരക്ഷാ വീഴ്ചയെ മുൻനിർത്തിയാണ് അശ്രദ്ധയോടെ തോക്ക് കൈകാര്യം ചെയ്ത പൊലീസുകാരന് സസ്പെൻഷൻ നൽകിയത്.