കണ്ണൂരിൽ യൂട്യൂബ് നോക്കി അശാസ്ത്രീയമായ ഡയറ്റ് പിന്തുടർന്നതിനെ തുടർന്ന് ചികിത്സയിലായിരുന്ന വിദ്യാർഥിനി മരിച്ചു. മെരുവമ്പായി ഹെല്‍ത്ത് സെന്ററിന് സമീപം കൈതേരികണ്ടി വീട്ടിൽ എം. ശ്രീനന്ദ (18) ആണ് മരിച്ചത്. യൂട്യൂബ് നോക്കി ഭക്ഷണക്രമം നിയന്ത്രിച്ചതിനെ തുടർന്ന് ശ്രീനന്ദയ്ക്ക് ആരോ​ഗ്യ പ്രശ്നങ്ങൾ നേരിട്ടിരുന്നു.

Also Read: സെലിബ്രിറ്റി മേക്കപ്പ്മാൻ ഹൈബ്രിഡ് കഞ്ചാവുമായി പിടിയിൽ; RG വയനാടൻ എന്ന രഞ്ജിത്ത് ഗോപിനാഥൻ

തലശ്ശേരി സഹകരണ ആശുപത്രിയിൽ അത്യാഹിതവിഭാ​ഗത്തിൽ ചികിത്സയിലായിരുന്നു. വണ്ണം കൂടുന്നുവെന്ന തോന്നലിലാണ് ശ്രീനന്ദ യൂട്യൂബിൽ നോക്കി ഭക്ഷണം നിയന്ത്രിച്ചത്. എന്നാൽ അശാസ്ത്രീയമായ ഡയറ്റിനെ തുടർന്ന് പെൺകുട്ടിയുടെ ആമാശവും അന്നനാളവും ചുരുങ്ങിയെന്നാണ് റിപ്പോർട്ടുകൾ.

Also Read: കാസർഗോഡ് നിന്നും കാണാതായ പതിനഞ്ചുകാരിയും യുവാവും മരിച്ച നിലയിൽ

മട്ടന്നൂര്‍ പഴശ്ശിരാജ എന്‍.എസ്.എസ്. കോളജ് ഒന്നാം വര്‍ഷ ബിരുദ വിദ്യാര്‍ഥിനിയാണ് ശ്രീനന്ദ. പഠനത്തില്‍ മിടുക്കിയായിരുന്നു. മെരുവമ്പായി എം.യു.പി. സ്‌കൂള്‍ ജീവനക്കാരി എം. ശ്രീജയാണ് അമ്മ. അച്ഛന്‍: ആലക്കാടന്‍ ശ്രീധരന്‍. സഹോദരന്‍: യദുനന്ദ്.